BolgeXeber.Com » Xəbərlər » Fazil Məmmədovun hoteli əlindən alındı: - Məşhur obyektin artıq yeni sahibi var

Fazil Məmmədovun hoteli əlindən alındı: - Məşhur obyektin artıq yeni sahibi var

16-03-2019, 11:59

Oxunub: 3 232 Fazil Məmmədovun hoteli əlindən alındı: - Məşhur obyektin artıq yeni sahibi var

Bakıdakı məşhur beşulduzlu “Excelsior Hotel & Spa” hotelinin mülkiyyətçisi dəyişib.

Məlumata görə, sözügedən hotel “PMD Hospitality” şirkətinin mülkyyətinə keçib.

2019-cu il fevralın 1-də bu hotelin aktivlərinin yeni sahibi “Excelsior Hotel” MMC təsis edilib. “Excelsior Hotel”in mülkiyyətçisinin dəyişməsi barədə məlumatı Fins.az-a hoteldən təsdiqləyiblər.

Xatırladaq ki, “Excelsior Hotel & Spa” “AtaHoldinq”ə daxil idi.

Məlumat üçün bildirək ki, hotel sabiq vergilər naziri Fazil Məmmədova məxsus olub. Nazir vəzifəsini itirdikdən sonra hotel ondan alınıb və yeni mülkiyyətçisinə təhvil verilib.

Cebhe.info-ya daxil olan məlumata görə, hotelin sabiq nazirdən alınması oradakı iş mühitinə və əməkdaşlara da təsirsiz ötüşməyib. Belə ki, əməkdaşlara hotelin Fazil Məmmədovdan alındığı elan edilib. Bundan sonra yeni mülkiyyətçi hotelin bir qrup əməkdaşını yenisi ilə əvəzləyib.

Uzun müddət hoteldə işləyən və Fazil Məmmədovun komandası kimi tanınan şəxslərlə yanaşı, bəzi sıravi əməkdaşlarla da birgə fəaliyyətə son qoyulub.
Fazil Məmmədov 2017-ci il 5 dekabrında Prezident Sərəncamı ilə vəzifədən azad edilib və onu bu vəzifədə Mikayıl Cabbarov əvəzləyib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]