BolgeXeber.Com » Xəbərlər » “Diqlas”dakı yanğında 8 yanğınsöndürən, 1 polis xəsarət alıb

“Diqlas”dakı yanğında 8 yanğınsöndürən, 1 polis xəsarət alıb

27-03-2019, 11:51

Oxunub: 2 058

Martın 26-da Bakı şəhərinin Nizami rayonu ərazisində ticarət və digər təyinatlı obyektlərin yerləşdiyi "Diqlas" ticarət mərkəzində baş verən yanğında ümumilikdə 13 nəfər xəsarət alıb.

Bunu Səhiyyyə Nazirliyinin (SN) mətbuat xidmətinin əməkdaşı Səfayə Əhmədova bildirib.

S.Əhmədovanın sözlərinə görə, xəsarət alanların əksəriyyəti Fövqəladə Hallar Nazirliyinin (FHN) əməkdaşları olub:

“8 nəfəri FHN-nin əməkdaşıdır, 1 nəfər polis, 2 nəfər sahibkar, 2 nəfər də ticarət mərkəzinin mühafizəçisi olub.Onlardan 12 nəfərinin hamısına yerində yardım göstərilib. 1 nəfər əl kəsiyi diaqnozu ilə xəstəxanaya çatdırılıb”.

Nazirlik rəsmisi həmin xəstənin vəziyyətinin stabil olduğunu, bu gün evə buraxılacağını qeyd edib.

Çox Oxunanlar