BolgeXeber.Com » Xəbərlər » Əmlak Məsələləri Dövlət Komitəsində dövlət qulluqçuları and içdilər

Əmlak Məsələləri Dövlət Komitəsində dövlət qulluqçuları and içdilər

10-05-2019, 18:10

Oxunub: 7 870

Əmlak Məsələləri Dövlət Komitəsinin strukturuna daxil olan vakant inzibati vəzifələrə qəbul edilən 10 dövlət qulluqçusunun10 may tarixində andiçmə mərasimi keçirilib. İlk olaraq andiçmə mərasimində çıxış edən komitənin şöbə müdiri Nuranə Nəzərova dövlət qulluqçularını təbrik etdi.

Sonra müsabiqəni uğurla başa vurmuş və dövlət orqanlarında işə başlamış namizədlər Azərbaycan Respublikasına sadiq olacaqlarına, onun konstitusiyasına dönmədən əməl edəcəklərinə, dövlətçiliyi və xidməti sirri qoruyacaqlarına, dövlət qulluğunun onlara verdiyi hüquqları və üzərlərinə qoyduğu vəzifələri qərəzsiz, vicdanla, yalnız qanunauyğun sürətdə və dövlətin mənafeyi naminə həyata keçirəcəklərinə and içdilər.
Qeyd edək ki, müsabiqədə müvəffəqiyyət qazanmış namizədlər 6 ay stajçı kimi qulluğa qəbul edilib, daha sonra 3 ay sınaq müddətini uğurla başa vuraraq ölkə qanunvericiliyinə uyğun şəkildə daimi dövlət qulluğuna qəbul ediliblər.
Bildirilməlidir ki, komitə ötən il ərzindəDövlət İmtahan Mərkəzi tərəfindən elan edilmiş müsabiqə və müsahibədən müvəffəqiyyətlə keçən 85 nəfəri vakant vəzifələrə təyin edib.
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]