BolgeXeber.Com » Xəbərlər » Yayılan videoda Kərəm Həsənov haqda səslənən fikirlər əsassızdır

Yayılan videoda Kərəm Həsənov haqda səslənən fikirlər əsassızdır

2-06-2019, 14:09

Oxunub: 4 044

Cəlilabad Rayon Mərkəzi Xəstəxanasının baş həkimi İlham Əliyevin Kərəm Həsənovla heç bir qohumluq əlaqəsi yoxdur

Bolgexeber.com bildirir ki,bir neçə gün bundan öncə bəzi mətbu orqanlarda və siosial şəbəkələrdə Cəlilabad Rayon Mərkəzi Xəstəxanası ilə bağlı video müraciət dərc olunub.
Müraciətdə rayonun Sabirabad kənd sakini İbrahimov Mustafa Ramazan oğlu xəstəxananın baş həkimi İlham Əliyevin qanuna zidd əməllərindən və xəstəxananın daxilində yaşanan ciddi problemlərlə bağlı ölkə başçısına müraciət edir. Vətəndaş iddia edir ki, baş həkim İ. Əliyev heç kimdən çəkinmədən Əmlak Məsələləri Dövlət Komitəsinin sədri Kərəm Həsənova arxalandığını vurğulayıb. Rayon sakinləri isə baş həkimin xəstəxanada yaratdığı biabırçılığına son qoymağa çağırır.
Bolgexeber.com məsələ ilə bağlı araşdırma aparıb və müəyyən edib ki, müraciəti yayılan Sabirabad kənd sakini İbrahimov Mustafa Cəlilabad rayonunda bir çox məmurları gözdən salmaq üçün onlar haqda qara piarla məşğul olur. Onun Əmlak Məsələləri Dövlət Komitəsinin sədri Kərəm Həsənovla bağlı səsləndirdiyi fikirlər də əsassızdır.Belə ki, Bolgexeber.com araşdırma nəticəsində müəyyən edib ki, Cəlilabad Rayon Mərkəzi Xəstəxanasının baş həkimi İlham Əliyevin Kərəm Həsənovla heç bir qohumluq əlaqəsi yoxdur və bu müraciət yalnız Kərəm Həsənovun rəhbərliyi ilə Əmlak Məsələləri Dövlət Komitəsinin apardığı uğurlu islahatlara qarşı yönələn, uğursuzluğa məhkum olan cəhdlərən biridir.

Çox Oxunanlar