BolgeXeber.Com » Xəbərlər » “Mango”da saxta endirim: alıcılar belə aldadılır (FOTOLAR)

“Mango”da saxta endirim: alıcılar belə aldadılır (FOTOLAR)

13-06-2019, 14:04

Oxunub: 3 207

Alıcılar “Mango” geyim mağazasını fırıldaqçılıqda ittiham edir

Mağazada bu gündən etibarən 50%-dək endirim elan edilib və demək olar ki, bütün məhsulların üzərində endirim qiyməti öz əksini tapıb.
Qaynarinfo-ya daxil olan şikayətdə müştəri bildirib ki, “Gənclik Mall”da yerləşən “Mango” mağazasında alacağı məhsulları seçib kassaya yaxınlaşsa da, fərqli mənzərə ilə üzləşib:
“Əksər geyimlərin üstünə standart 49.90 AZN endirim qiyməti yapışdırılıb, lakin 70-80 AZN-ə satılır. 85 manatlıq şalvarın üstünə 45 manat qiymət vurulmuşdu, almaq üçün kassaya yaxınlaşdım, lakin geyimin 79 manata satıldığını öyrəndim. Əvvəlcə səhvən belə bir şeyin olduğunu fikirləşsəm də, bu fırıldaqçılığın digər məhsullarda da tətbiq edildiyini başa düşdüm. Hətta endirim edilməyən geyimlərin üstünə aşağı qiymət yapışdırılıb”.
Şikayətçinin sözlərinə görə, mağaza işçiləri belə bir şeyin yanlışlıqla baş verdiyini, bəzi məhsullara 5-10% endirim tətbiq edildiyini bildirib və bütün məhsullarda belə bir “səhv”in necə mümkün olduğunu izah etməkdən boyun qaçırıb.
Məsələ ilə bağlı “Mango”nun “Gənclik Mall” filialı ilə əlaqə saxladıq. Mağazanın meneceri Elnur adlı şəxs hazırda məşğul olduğunu və açıqlama verə bilməyəcəyini deyərək dəstəyi asdı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]