BolgeXeber.Com » Xəbərlər » "Müştəri 50 qəpik ödəməlidir" - 9111-dən kondisioner açıqlaması

"Müştəri 50 qəpik ödəməlidir" - 9111-dən kondisioner açıqlaması

20-07-2019, 11:24

Oxunub: 2 841

Xəbər verdiyimiz kimi, ekspert Qubad İbadoğlu ABŞ-dan olan qonaqları ilə 9111 taksi xidmətindən istifadə edərkən sürücü müştərilərdən kondisioner istifadəsi üçün əlavə olaraq 1,5 manat ödəniş alıb

"Qafqazinfo”ya açıqlama verən sözügedən taksi şirkətinin Marketinq Departamentinin rəhbəri Kristina Yaşina məsələyə aydınlıq gətirib.

O, kondisionerdən istifadənin ödənişli olduğunu təsdiqləsə də, qiymətin 1,5 manat deyil, 0,50 AZN təşkil etdiyini bildirib:

"Bu, bizim mobil tətbiqimizdə də göstərilib. Müştəri əgər kondisionerdən istifadə etmək istəyirsə, bu zaman müvafiq seçim edir. Amma burada insan faktoru da önəmlidir. Məsələn, müştəri əyləşdiyi taksidə kondisioner işlək vəziyyətdədirsə, bu zaman heç bir ödəniş etmir. Lakin elə sürücülər var ki, kondisionerdən istifadənin əlavə yanacaq sərfiyyatına səbəb olduğunu nəzərə alaraq, bundan imtina edir. Belə olan halda, müştəri əlavə 50 qəpik ödəməklə sürücüdən kondisioneri işə salmağını tələb edə bilər”.

Kristina Yaşinanın sözlərinə görə, bu, yeni metod deyil, hər yay mövsümündə istifadə olunur:

"Onsuz da bütün taksi şirkətləri bu cür edir. Təəssüf ki, qeyd etdiyiniz məsələ ilə bağlı müştəri bizə şikayət etməyib. Belə olan halda, sürücüdən həmin məbləğ tutulub, müştəriyə geri qaytarılacaqdı”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]