Bizimlə əlaqə | Reklam
BolgeXeber.Com » Xəbərlər » Xəzərin sahilboyu zolağını qanunsuz zəbt edən iş adamının xeyrinə çıxarılan qərar ləğv edilib

Xəzərin sahilboyu zolağını qanunsuz zəbt edən iş adamının xeyrinə çıxarılan qərar ləğv edilib

24-07-2019, 12:33
Oxunub: 2 624 Xəzərin sahilboyu zolağını qanunsuz zəbt edən iş adamının xeyrinə çıxarılan qərar ləğv edilibƏmlak Məsələləri Dövlət Komitəsinin “Sədərək” ticarət mərkəzinin sahibi Yusif Qədimbəylinin cərimələnməsi ilə bağlı apelyasiya şikayətinə baxılıb.

APA-nın məlumatına görə, Bakı Apelyasiya Məhkəməsində hakim Rizvan Səfərovun sədrliyi ilə keçirilən iclasda birinci instansiya məhkəməsinin qərarı ləğv edilib və iş yenidən Nəsimi rayon Məhkəməsinə göndərilib.

Qeyd edək ki, Əmlak Məsələləri Dövlət Komitəsi Y. Qədimbəyli barəsində İnzibati Xətalar Məcəlləsinin 248.2-ci maddəsi ilə, yəni Xəzər dənizinin Azərbaycana mənsub olan bölməsinin sahilboyu 20-50 metrlik zolağının altında olan torpaq sahələrinin müvafiq icra hakimiyyəti orqanının icazəsi olmadan hasara alma yolu ilə və ya digər üsullarla bağlanılması ilə əlaqədar protokol tərtib edib. Y. Qədimbəyli bu əməli inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsində təqsirləndirilir.

Nəticə də o hüquqi şəxs kimi 50 min manat məbləğində cərimələnib.

Nəsimi Rayon Məhkəməsi cərimə qərarını ləğv edib. Qərardan şikayətçi olan Dövlət Komitəsi apelyasiya şikayət verib.

Y. Qədimbəyli Qafqaz TV (əvvəllər "Xəyal" adlanıb) regional telekanalının sahibidir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]