Bizimlə əlaqə | Reklam
BolgeXeber.Com » Xəbərlər » Tanınmış taksi şirkətindən müştəriyə hörmətsizlik - GİLEY

Tanınmış taksi şirkətindən müştəriyə hörmətsizlik - GİLEY

2-08-2019, 13:38
Oxunub: 2 976 Tanınmış taksi şirkətindən müştəriyə hörmətsizlik - GİLEYTanınmış taksi şirkəti sərnişinə qarşı hörmətsizlik edib

Bizimyol.info xəbər verir ki, bu barədə jurnalist Rövşən Əsədov məlumat verib. O, bildirib ki, *9933 – “Salam taksi” şirkəti dünən axşam saatlarında ona qarşı hörmətsizlik edib. Belə ki, o, saat 00:15 radələrində taksi sifariş versə də şirkət məsuliyyətsizliyi ucbatından o 1 saata yaxın müddət ərzində sifariş etdiyi taksini gözləməli olub:

“Dünən axşam 00:15 dəqiqəsində məlum taksi şirkətindən sifariş etdim. Xeyli vaxt keçdikdən sonra taksi təyinatı ilə bağlı heç bir bildiriş almadım. Yenidən şirkətə zəng edib narazılığımı bildirdim. Qeyd etdim ki, taksi sifariş etsəm də mənə heç bir bildiriş gəlməyib. İkinci dəfə əlaqə saxladıqdan sonra taksi təyin edildi. yeni təyin edilmişdi deyə zəng etmədim. 10 dəqiqə gözlədikdən sonra taksiyə zəng etdim. Harada olduğunu soruşdum, taksi isə sifarişdən imtina etdiyini bildirdi. Mən sürücüyə etirazımı bildirsəm də o şirkətlə əlaqə saxlamalı olduğumu bildirdi. Şirkətlə əlaqə saxlayıb niyə taksi imtinası ilə bağlı bildiriş almadığımı, yeni taksi təyin olunub-olunmaması ilə bağlı bildiriş almadığımı soruşduqda isə operator taksinin sifarişi imtina etdiyini təsdiqlədi və bildirdi ki, sizə bildiriş göndərilib. Lakin Mənə heç bir bildiriş gəlmədiyini bildirdim. Danışığımız bitdikdən bir neçə dəqiqə sonra bildiriş gəldi. Bir neçə dəqiqə də onu gözlədikdən sonra sürücü ilə əlaqə saxlamalı oldum. Sürücü isə 10 dəqiqəyə gəldi. Nəticədə mən şirkətin səhlənkarlığı ucbatından 45-50 dəqiqə gözləməli oldum. Hörmətsizlik olmasın deyə xidmətdən imtina edib başqa şirkətə müraciət etmədim. Lakin onların etdiyi bu hörmətsizlik azmış kimi məsələnin araşdırılması ilə bağlı şirkət rəhbərinin şəxsən özünə müraciət etsəm də şirkət rəhbəri müraciətimə cavab vermədi”.

Qarşı tərəfin mövqeyini dərc etməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]