BolgeXeber.Com » Xəbərlər » Azərbaycanda 15 yaşlı qız uşaq dünyaya gətirdi

Azərbaycanda 15 yaşlı qız uşaq dünyaya gətirdi

31-08-2019, 17:22

Oxunub: 4 001

Mingəçevir şəhərində azyaşlı qızın hamilə olduğu üzə çıxıb.

APA xəbər verir ki, 7 aylıq hamilə olan 15 yaşlı Ə.A. dünən səhər çağırış əsasında Mingəçevir Su anbarı hövzəsindəki çimərlikdən həkim briqadası tərəfindən Mingəçevir Şəhər Mərkəzi Xəstəxanasına gətirilərək Doğum şöbəsinə yerləşdirilib.

Onun üzərində kimliyini təsdiq edən hər hansı sənəd olmayıb. Müayinə zamanı azyaşlı qızın 7 aylıq hamilə olduğu müəyyən edilib. Özünü Gəncə sakini kimi təqdim edən qız Mingəçevirdə kafelərdən birində işlədiyini, ailə qurmadığını, atasının olmadığını, anasının isə Gəncədə yaşadığını deyib. O, tibb işçilərinin müşayiəti və xəstəxanaya məxsus təcili tibbi yardım maşını ilə Gəncə şəhər Regional Perinatal Mərkəzə göndərilib.

Perinatal Mərkəzdən bildirilib ki, hamilə qız artıq doğuş keçirib. Doğuş vaxtından əvvəl olub, normal keçib.

Qızın ailə üzvləri və yaxınlarının tapılması üçün tədbirlər görülür.

Faktla bağlı araşdırma aparılır.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]