BolgeXeber.Com » Xəbərlər » Şöbə müdirinin məhkəməsi başlayır - Sabiq nazirin tələbə yoldaşı olub

Şöbə müdirinin məhkəməsi başlayır - Sabiq nazirin tələbə yoldaşı olub

7-09-2019, 18:08

Oxunub: 4 044

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun vəzifəli şəxsləri barəsində cinayət işi başlanılıb.

"Qafqazinfo”nun verdiyi xəbərə görə, Fondun Zəngilan Rayon Şöbəsinin müdiri Şakir Nuriyev və digər vəzifəli şəxs Ramiz Əmiraslanov xidmətdə olduqları vaxt yeyinti etdikləri üçün cinayət məsuliyyətinə cəlb olunublar.

Hər iki şəxs Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə təqsirləndirilirlər. Zərərçəkmiş tərəf isə Fondun Zəngilan rayon şöbəsidir. Cinayət işi üzrə ibtidai istintaq artıq yekunlaşıb və iş baxılması üçün Binəqədi Rayon Məhkəməsinə göndərilib. İşə hakim Abbas Rzayevin sədrliyi ilə sentyabrın 9-da baxılacaq.

Ş.Nuriyev vəzifədə olduğu müddət ərzində ölkə mediasında bir neçə dəfə onun Səlim Müslümovun tələbə yoldaşı və dostu olduğu qeyd olunub. S.Müslümov fonda rəhbər təyin edildikdən sonra Ş.Nuriyevi də vəzifəyə təyin edib. Ş.Nuriyev İmişli, Qaradağ, Qobustan və Şuşa rayon şöbələrinin müdiri işləyib. Bir müddət isə DSMF-nin kadrlar şöbəsinə rəhbərlik edib. Payaxtın Səbail rayonunda müdir işləyəndən sonra Zəngilana təyin olunub.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]