BolgeXeber.Com » Xəbərlər » Azərbaycanda 6 rayon Təhsil Şöbəsinin müdiri işdən çıxarılıb

Azərbaycanda 6 rayon Təhsil Şöbəsinin müdiri işdən çıxarılıb

11-09-2019, 13:21

"Bəzi hallarda qəbul edilən normativ qaydalar yerlərdə tam şəkildə icra edilmir"

APA xəbər verir ki, bunu təhsil naziri Ceyhun Bayramov təhsil işçilərinin respublika konfransında çıxışı zamanı bildirib.
Nazir qeyd edib ki, bu məsələlərin növbəti tədris illərində aktual olmaması və müzakirə predmetinə çevrilməsinə ehtiyac olmamasını arzu edir: “Təhsil sistemində hər şeyin elektron qaydada aparılması neqativ halların sayını azaltsa da, il ərzində keçirilən nəzarət tədbirləri zamanı bir sıra neqativ halların hələ də mövcud olması öz təsdiqini tapıb".
Nazir qeyd edib ki, bu il ərzində işlərində yol verdikləri nöqsanlarına görə 6 rayon təhsil şöbəsinin rəhbəri vəzifəsindən kənarlaşdırılıb, əmək müqavilələrinə xitam verilib: "10 nəfər rayon təhsil şöbəsinin rəhbəri və 3 nəfər ərazi maliyyə hesablaşma mərkəzinin rəhbərinə işlərində verdiyi nöqsana görə intizam tədbirləri tətbiq edilib. 8 nəfər məktəb direktoru, 6 nəfər direktor müavininin müqaviləsinə xitam verilib. 29 nəfər direktor və 37 nəfər direktor müavininə intizam tədbirləri tədbiq edilib. 80 nəfər məktəb direktorunun əmək müqaviləsinin müddəti qurtaran zaman növbəti dəfə əmək müqaviləsinin uzadılması barədə qərar verilən zaman onların davamlı şəkildə nəticələrinin aşağı olması nəticəsində müqavilələrinin uzadılmaması barədə qərar qəbul edilib. 7 hal üzrə materiallar toplanaraq hüquqi qiymət verilməsi üzrə aidiyyəti qurumlara göndərilib. Fikrimcə, bu məsələrə ciddi yanaşmalıyıq. Bu nöqsanlara yol verən şəxslər öz cəzalarını alacaqlar".

Çox Oxunanlar