BolgeXeber.Com » Xəbərlər » Bakıda polisi təhqir edən sürücü üzr istədi - VİDEO

Bakıda polisi təhqir edən sürücü üzr istədi - VİDEO

18-09-2019, 17:12

Oxunub: 2 665

Bakıda yol polisini təhqir edən sürücü üzr istəyib.

Oxu.Az-ın məlumatına görə, etdiyi hərəkətə görə peşman olan sürücü Fəxrəddin Nəsirov hadisənin başvermə anından danışıb:

“Maşını idarə edən zaman əlimdə telefon var idi. Polis əməkdaşı məni saxladı və sənədlərimi tələb etdi. Mən sənədimi ona təqdim etdim. O, məndən taksi fəaliyyəti ilə məşğul olmaq üçün lisenziyamın olub-olmadığımı soruşdu.

Mən də “yoxdur” cavabı verdim. Bu zaman polis əməkdaşı da mənə protokol yazdı. Mən onkoloji, şəkər xəstəsiyəm. Özümdə olmadım, protokolu götürüb maşına getdikdən sonra polisin bu hərəkətinə əsəbiləşdim və qayıdaraq onu təhqir etdim.

Həmin polis əməkdaşını tapıb üzr istəyəcəm. İşlətdiyim ifadəmə görə bütün polis əməkdaşlarından üzr istəyirəm”.

Qeyd edək ki, bu gün sosial şəbəkələrdə Bakıda yol polisi və sürücü arasında gərgin anları əks etdirən video yayılıb. Bakı Şəhər Dövlət Yol Polisi İdarəsinin əməkdaşı taksi sürücüsünə qayda pozuntusuna görə protokol tərtib edib. Bu zaman sürücü polisi ağır formada təhqir edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]