Bizimlə əlaqə | Reklam
BolgeXeber.Com » Xəbərlər » Bakı Zooparkı nə vaxt açılacaq?

Bakı Zooparkı nə vaxt açılacaq?

4-10-2019, 14:45
Oxunub: 7 294 Bakı Zooparkı nə vaxt açılacaq?"Köhnə Bakı Zooloji Parkdan əsər-əlamət qalmayacaq”.

Bu sözləri lent.az-a açıqlamasında Zooloji Parkın direktoru Azər Hüseynov deyib.

O bildirib ki, Zooparkda olan xırda qəfəslərin hamısı ləğv edilib: "Hazırda tikinti işləri davam edir. Prosesin yekunlaşması tikintinin gedişindən aslıdır. Ərazidə qoruyucu sistemlərin qorunması vaxt aparan işdir. Bununla yanaşı, tikintinin özü çox vaxt aparmasa da, qurğuların qoyulması, kanalizasiya, işıq xətlərinin yenidən çəkilməsi üçün uzun müddət lazımdır”.

A.Hüseynov qeyd edib ki, gələn il bütün işlərin yekunlaşması gözlənilir: "Heyvanlar hazırda müvəqqəti saxlanc yerindədirlər. Onlara hər cür şərait yaradılıb. Burada stress, səs-küy olmadığı üçün hər şey yaxşıdır. Belə ki, dəvə, tovuzquşu, poni, qamış pişiyi, oxatan kirpi və bir çox heyvanlar artıq balalayıblar. Bunu da deyim ki, park tam hazır olduqdan sonra yeni heyvanların da alınması planlaşdırılıb”.

Xatırladaq ki, Bakı Zooloji Parkın fəaliyyəti 2019-cu ilin fevral ayından etibarən müvəqqəti olaraq dayandırılıb. Həmçinin təmir və genişləndirmə işləri yekunlaşdıqdan sonra park ərazisi 4.25 hektar (əvvəl 2.25 hektar idi) olacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]