BolgeXeber.Com » Xəbərlər » Sumqayıtda azyaşlı məktəbli qızın gözünü kor etdilər - FOTO/VİDEO

Sumqayıtda azyaşlı məktəbli qızın gözünü kor etdilər - FOTO/VİDEO

8-11-2019, 09:08

Oxunub: 4 059

Hadisə Sumqayıt şəhər İnteqrasiya təlimli internat tipli gimnaziyada baş verib.

Yenicag.az xəbər verir ki, 7 a sinif şagirdi Nuriyeva Rəfiqə Elbrus qızı tarix dərsi zamanı öz sinif yoldaşları tərəfindən vəhşicəsinə döyülüb. Hadisənin baş verməsinə səbəb isə Rəfiqənin qüsurlu danışmağı olub. Bu zaman onun sinif yoldaşları Rəfiqəyə gülüb, sonra isə ona ağır bədən xəsarətləri yetiriblər. Ancaq dərs deyən Günay müəllim şagirdin döyülməsinə əhəmiyyət verməyib, hətta Rəfiqəni təhqir edərək ona tərbiyəsiz də deyib.

Bundan sonra qızın halı daha da pisləşib və ümumiyyətlə huşunu itirib. Şagirdin vəziyyətinin ağır olduğunu görən müəllimələr dərhal onun valideynlərinə məlumat verərək bildiriblər ki, Rəfiqənin halı birdən-birə pisləşib. Məktəbə gələn Elbrus Nuriyev qızını ağır vəziyyətdə Sumqayıt Şəhər Uşaq Nevroloji xəstəxanasına yerləşdirib. İlkin müayinələrdən sonra məlum olub ki, məktəblinin sol gözü kor olub, ağzı isə tamamilə əyilib. Hazırda xəstəxanada müalicə alan məktəblinin vəziyyəti orta-ağır kimi qiymətləndirilir.

Hadisədən sonra zərərçəkənin valideyni Rəfiqənin sinif rəhbəri Gülnarə müəllim ilə görüşüb məsələyə aydınlıq gətirmək istəsə də, o, bu məsələnin ona heç bir aidiyyatı olmadığını, bununla bağlı hüquq-muhafizə orqanlarına müraciət etməyi məsləhət bilib. Məktəbin direktoru Kərimova Ayət Sadıq qızı isə məsələdən xəbərsiz olması ilə özünə haqq qazandırıb.

Qeyd edək ki, gimnaziya 2008-ci ildə istifadəyə açılıb və 361 şagird orada təhsil alır. Ayət Kərimova da həmin ildən məktəbin direktorudur.
İnanırıq ki, baş vermiş hadisə ilə bağlı Sumqayıt şəhər hüquq-mühafizə orqanları lazımi tədbirlər görəcəklər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]