Bizimlə əlaqə | Reklam
BolgeXeber.Com » Xəbərlər » Məmurlar gəlir deklarasiyası verməlidirlər: - "Əyinlərindəki kostyumdan tutmuş..."

Məmurlar gəlir deklarasiyası verməlidirlər: - "Əyinlərindəki kostyumdan tutmuş..."

6-12-2019, 13:18
Oxunub: 2 574 Məmurlar gəlir deklarasiyası verməlidirlər: - "Əyinlərindəki kostyumdan tutmuş..."“Biz dünyanın inkişaf etmiş ölkələrindən daha ağıllı deyilik. Əgər əksər dövlətdə gəlir deklarasiyası haqqında qanun qəbul olunubsa, deməli bunun müsbət effekti var”.

Bunu Sherg.az-a açıqlamasında iqtisadçı-alim Əkrəm Həsənov deyib.

İqtisadçı bildirib ki, dövlət məmurları, onların ailə üzvləri gəlir və xərc deklarasiyası verməlidir. Əks halda, korrupsiya ilə mübarizə aparmaq qeyri mümkündür:

“Azərbaycanda məmurların gəlir və xərc deklarasiyası olmadığı üçün onlar istədiklərini edirlər. Məsələn, sabah kimsə iddia etsə ki, hansısa məmura rüşvət verib və məmur həmin pulla özünə mənzil alıb, heç kim bunu sübut edə bilməyəcək. Məmur rüşvət aldığını etiraf edərmi? Yalandan deyəcək ki, guya pullar ona ata-babasından qalıb. Ona görə də gəlir deklarasiyasını tətbiq etmək zəruridir. Məmur əynindəki kostyumdan tutmuş, övladının qolundakı bahalı saata qədər hər şeyin hesabını verməlidir. Yalnız bu halda məmurları müəyyən çərçivəyə salmaq mümkündür”.

Ə.Həsənov təəssüflə qeyd edib ki, gəlir deklarasiyası haqda qanunun qəbul edilməsinə müəyyən məmur qrupu əngəl olur, qarşı çıxırlar:

“Halbuki, sözügedən qərarı qəbul etmək elə də çətin deyil. Ortada beynəlxalq təcrübə var və riskli məsələ deyil. Bununla yanaşı, həm də dövlət büdcəsi, xüsusilə onun xərclərlə bağlı olan hissəsi şəffaf olmalıdır. Yerli icra hakimiyyətindən başlayaraq, büdcə vəsaiti ayrılan hər bir dövlət qurumu şəffaf formada maliyyə hesabatlarını cəmiyyətə açıqlamalıdırlar”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]