BolgeXeber.Com » Xəbərlər » Vilayət Eyvazovdan əmr: Polis naryadlarının sayı artırılır

Vilayət Eyvazovdan əmr: Polis naryadlarının sayı artırılır

29-12-2019, 13:38

Oxunub: 2 751

Daxili işlər orqanlarının şəxsi heyəti gücləndirilmiş iş rejimində işləyəcək.

Bu barədə Daxili İşlər Naziri general-polkovnik Vilayət Eyvazov müvafiq əmr imzalayıb.

Əmrə əsasən, 31 dekabr Dünya Azərbaycanlılarının Həmrəyliyi Günü və Yeni il bayramı ilə əlaqədar, Respublikanın Daxili İşlər Nazirliyinin bütün orqan və hissələrinin şəxsi heyəti, ictimai asayiş və ictimai təhlükəsizliyin daha nümunəvi və etibarlı təmin olunması məqsədilə, bayram ərəfəsində öz xidməti fəaliyyətlərini gücləndirilmiş rejimdə həyata keçirəcəklər.

Kütləvi tədbirlərin və bayram şənliklərinin təşkil olunduğu məkanlarda və əhalinin sıx toplaşdığı yerlərdə polis naryadlarının sayı artırılacaq.

Respubika ərazisində ictimai qaydaların, eləcə də, avtomobil yollarında piyada və nəqliyyat vasitələrinin hərəkət təhlükəsizliyinin təmin olunması məqsədilə bütün qüvvə və imkanlar səfərbər ediləcək.

Bayram ərəfəsində və bayram günlərində həyati əhəmiyyətli obyeklərin, eyni zamanda, xarici ölkələrin respublikamızdakı diplomatik nümayəndəliklərinin mühafizəsi xüsusi nəzarətdə saxlanılacaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]