Bizimlə əlaqə | Reklam
BolgeXeber.Com » Xəbərlər » Alı Alıyev bazarlarda, topdan satış mərkəzlərində ərzaq məhsullarının qiymətləri ilə maraqlandı

Alı Alıyev bazarlarda, topdan satış mərkəzlərində ərzaq məhsullarının qiymətləri ilə maraqlandı

2-03-2020, 10:41
Oxunub: 3 338
Alı Alıyev bazarlarda, topdan satış mərkəzlərində ərzaq məhsullarının qiymətləri ilə maraqlandı
Füzuli rayon İcra Hakimiyyətinin başçısı Alı Alıyevin vətəndaşlarla təsadüfi və planlaşdırılmamış olan görüşləri, onların problem və qayğıları ilə yaxından marağlanmağı mütamadi xarakter daşıyır.

Bolgexeber.com xəbər verir ki, bu görüşlərin tərkib hissəsi olaraq Alı Alıyev 29 fevral tarixində Bala Bəhmənli kəndində (Dörd yol adlanan ərazidə) olmuş, vətəndaşlarla görüşmüş, bazarlarda, topdan satış mərkəzlərində ərzaq məhsullarının qiymətləri ilə maraqlanmış, alıcı və satıcılarla söhbət etmişdir. Alı Alıyev vətəndaşları narahat edən məsələlərlə, onların problem və qayğıları ilə maraqlanmışdır.

Alı Alıyev cənab Prezident İlham Əliyev tərəfindən əhalinin sosial müdafiəsinin yaxşılaşdırılması sahəsində imzalanan sərəncamlardan bəhs edib. Bildirib ki, ölkəmizdə həyata keçirilən sosial-iqtisadi siyasətin təməlində Azərbaycan vətəndaşı, onun rifah halının yaxşılaşdırılması dayanır.

Rayon sakinləri də öz növbəsində Prezident cənab İlham Əliyevə və Birinci vitse-prezident Mehriban xanım Əliyevaya öz təşəkkürlərini bildirərək, bazarlarda qiymətlərin münasib olduğunu, hər hansı bir süni qiymət artımının olmadığını bildiriblər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]