BolgeXeber.Com » Xəbərlər » Sabahdan bu iş və xidmət sahələri fəaliyyətini dayandırır

Sabahdan bu iş və xidmət sahələri fəaliyyətini dayandırır

20-06-2020, 10:36

Oxunub: 960

Yeni növ koronavirus (COVID-19) infeksiyasının yayılma sürətinin azaldılması, habelə onun törədə biləcəyi fəsadların minimuma endirilməsi məqsədilə xüsusi karantin rejiminin sərtləşdirilməsini təmin etmək üçün Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində 2020-ci il 21 iyun saat 00:00-dan 5 iyul saat 06:00-dək məhdudiyyətlər tətbiq edilib.
Bu barədə Nazirlər Kabineti yanında Operativ Qərargahın qərarında bildirilib.
Fəaliyyət sahələri dayandırılan iş və xidmət sahələri bunlardır:
Nəzdindəki ərzaq mağazaları və apteklər istisna olmaqla, iri ticarət mərkəzlərinin fəaliyyəti;
İctimai iaşə obyektlərində müştərilərə yerində xidmətlər;
Muzey və sərgi zallarının fəaliyyəti;
Bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);
Təhsil müəssisələrinin fəaliyyəti (onlayn imtahan, müsabiqə və müsahibələr istisna olmaqla);
Açıq havada idman yarışlarının və oyunlarının keçirilməsi.

Çox Oxunanlar