BolgeXeber.Com » Xəbərlər » Sabirabad prokurorluğu: Tanışlarını öldürməyə cəhd edən şəxslər tutulub

Sabirabad prokurorluğu: Tanışlarını öldürməyə cəhd edən şəxslər tutulub

18-07-2020, 16:16

Oxunub: 2 456

İyulun 16-da saat 23 radələrində 1982-ci il təvəllüdlü Sabirabad rayonu, Türkədi kənd sakini Fuad Məmmədovun çoxsaylı xəsarətlərlə Şirvan Şəhər Mərkəzi Xəstəxanasına yerləşdirilməsi barədə məlumat daxil olub.
Sabirabad rayon prokurorluğundan verilən məlumata görə, dərhal prokurorluq tərəfindən hadisə yerinə baxış keçirilib.
Aparılmış araşdırmalarla zərərçəkmişin tanışları 1981-ci il təvəllüdlü Mircavid Mövsümov və 1976-cı il təvəllüdlü Seyidəli Mövsümovun şəxsi münasibətlər zəminində aralarında yaranmış münaqişə zamanı Fuad Məmmədovu qəsdən öldürməyə cəhd etmələrinə əsaslı şübhələr müəyyən edilib.
Faktla bağlı Sabirabad rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.
İş üzrə müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.
Mircavid Mövsümov və Seyidəli Mövsümov şübhəli şəxs qismində tutularaq cinayət məsuliyyətinə cəlb olunublar.
Hazırda iş üzrə zəruri istintaq tədbirləri davam etdirilir.

Çox Oxunanlar