BolgeXeber.Com » Xəbərlər » Beyləqan polisi Qurban bayramı ilə əlaqədar aztəminatlı ailələrə bayram sovqatları verib

Beyləqan polisi Qurban bayramı ilə əlaqədar aztəminatlı ailələrə bayram sovqatları verib

30-07-2020, 17:47
Oxunub: 3 617 Beyləqanda qurban bayram ilə əlaqədar aztəminatlı ailələrə bayram sovqatları verilib
Qurban bayramı münasibəti ilə Beyləqan Rayon Polis Şöbəsinin əməkdaşları tərəfindən rayon ərazisində şəhid olmuş əsgərlərimizin ailə üzvlərinə, eləcə də aztəminatlı ailələrə bayram sovqatları paylanılıb.
DİN-in Mətbuat Xidmətinin Bərdə regional qrupundan Bolgexeber.com-a verilən məlumata görə, polis əməkdaşları ailələri ziyarət edib, onları bayram münasibətilə təbrik edərək müxtəlif ərzaq məhsullarından ibarət bayram sovqatlarını təqdim ediblər. Həmçinin polis əməkdaşları hər bir sakinlə koronavirus pandemiyasının yarada biləcəyi təhlükələr barədə profilaktiki söhbətlər aparıb, öz sağlamlıqlarına biganə qalmamağı tövsiyə ediblər. Sakinlər də göstərilən bu diqqət və qayğıya görə asayiş keşikçilərinə öz minnətdarlıqlarını bildiriblər.