BolgeXeber.Com » Xəbərlər » Qusarda bir tondan artıq narkotik tərkibli bitki məhv edildi - FOTO

Qusarda bir tondan artıq narkotik tərkibli bitki məhv edildi - FOTO

19-08-2020, 12:52
Oxunub: 2 512 Daxili işlər orqanlarının əməkdaşları tərəfindən yabanı halda bitən narkotik tərkibli bitkilərin aşkar edilməsi istiqamətində uğurlu əməliyyat tədbirləri davam etdirilir.
Bununla bağlı Daxili İşlər Nazirliyinin Mətbuat Xidmətinin Quba regional qrupu məlumat yayıb. 
Bildirilib ki, Qusar Rayon Polis Şöbəsinin Şahdağ Polis Bölməsinin əməkdaşları tərəfindən keçirilən əməliyyat tədbirləri nəticəsində rayonun Zindan-Muruq kənd ərazisində yabanı halda bitən çəkisi bir ton 360 kq olan 722 ədəd çətənə kolu aşkar olunub.
Həmin narkotik tərkibli bitkilər kökündən çıxarılıb, yandırılaraq məhv edilib.
Faktla bağlı RPŞ-də araşdırma aparılır.