Bizimlə əlaqə | Reklam
BolgeXeber.Com » Xəbərlər » İntihar edən müəllimin son sözləri: "Heç kim pis heç nə deməsin çünki..."

İntihar edən müəllimin son sözləri: "Heç kim pis heç nə deməsin çünki..."

17-09-2020, 18:30
Oxunub: 7 462 Ötən gün Bakıda 27 yaşlı müəllimin özünü binadan ataraq intihar etməsi hadisəsinin bəzi detalları üzə çıxıb.

Bolgexeber.com Publika.az-a istinadla xəbər verir ki, intihar edən 26 fevral 1993-cü il təvəllüdlü İsayeva Naida Namiq qızı Suraxanı rayon sakini olub. O, Suraxanı rayonunda qeydiyyatda olmaqla Hövsan qəsəbəsində ailəsi ilə yaşayırmış.

İntihar hadisəsi isə Bakı Metropoliteninin "Nəriman Nərimanov” stansiyasının yaxınlığında – Aşıq Molla Cümə küçəsi 19B ünvanında baş verib. Dünən həmin əraziyə gələn N.İsayeva binanın sonuncu - 16-cı mərtəbəsinə qalxıb və özünü oradan atıb.

İlkin araşdırmalar zamanı həmin binada və yaxınlıqda 27 yaşlı N.İsayevanın yaxınlarının yaşamadığı da dəqiqləşib.

Gənc müəllimin hansı səbəbdən intihar etməsi, həmin ərazini niyə seçməsi hələlik tam dəqiqləşməsə də, rəfiqəsi onun ölümündə əvvəl "Arxamca heç kim pis heç nə deməsin, çünki layiq deyiləm” mesajını paylaşdığını deyib.

O da məlum olub ki, intihar edən müəllim subay olub. O, 2009-cu ildə Bakı Humanitar Kolleci ibtidai sinif müəllimliyi ixtisasına qəbul olub. 2013-cü ildə kolleci bitirib. 2018-ci ildə Xəzər rayonu 121 nömrəli məktəbdə ibtidai sinif müəllimi kimi işə qəbul edilib.

Faktla bağlı Nərimanov rayon Prokurorluğunda cinayət işi açılıb, araşdırmalar davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]