BolgeXeber.Com » Xəbərlər » Azərbaycanda iki vəzifəli şəxs işdən çıxarıldı

Azərbaycanda iki vəzifəli şəxs işdən çıxarıldı

12-12-2020, 11:01
Oxunub: 1 056 Azərbaycan Milli Elmlər Akademiyasının iki direktoru vəzifəsindən azad edilib.

Bu barədə AMEA-nın mətbuat xidməti məlumat yayıb.

Bildirilib ki, akademik Telman Əliyev öz xahişi ilə İdarəetmə Sistemləri İnstitutunun direktoru vəzifəsindən azad olunub və AMEA-nın müşaviri təyin edilib.

AMEA Rəyasət Heyətinin digər qərarı ilə akademik-katib, müxbir üzv Əminağa Sadıqov İdarəetmə Sistemləri İnstitutunun direktoru vəzifəsini icra edən təyin edilib. Həmçinin, akademik Adil Qəribovun AMEA-nın akademik-katibi vəzifəsinə təsdiqlənməsi qərara alınıb.

Bundan əlavə, AMEA-nın müxbir üzvü Əlövsət Quliyev Torpaqşünaslıq və Aqrokimya İnstitutunun direktoru vəzifəsindən azad edilib, onun yerinə akademik Qərib Məmmədov təyin olunub.