BolgeXeber.Com » Xəbərlər » Sarıqaya kənd tam orta məktəbi üçün tikilmiş modul tipli bina istifadəyə verilib

Sarıqaya kənd tam orta məktəbi üçün tikilmiş modul tipli bina istifadəyə verilib

1-02-2021, 15:32

Oxunub: 832

Son illərdə ölkəmizdə bütün sferalarda olduğu kimi, təhsil sahəsində də həyata keçirilən uğurlu islahatlar təhsilalanlar üçün əlverişli tədris mühitinin formalaşmasına səbəb olmuşdur. Dövlət başçısı cənab İlham Əliyevin təhsil sahəsinə xüsusi diqqət və qayğısının nəticəsidir ki, ölkəmizdə nəhəng təhsil infrastrukturu formalaşmış, təhsilin maddi-texniki bazası möhkəmlənmişdir. Əlbəttə ki, dövlətimizin ali qayğısı təhsilin kəmiyyət və keyfiyyət göstəricilərinin gündən günə yaxşılaşmasına, təhsilin ilk məqsədi olan nümunəvi vətəndaş yetişdirilməsi prosesinə birbaşa zəmin yaratmışdır.
Sevindirici haldır ki, rayonumuzda da son illərdə yeni məktəb binaları tikilərək təhsil ictimaiyyətinin istifadəsinə verilmişdir. 01.02.2021-ci ildən etibarən Sarıqaya kənd tam orta məktəbinin şagirdləri artıq təhsillərini yeni tədris binasında davam etdirəcək. Qeyd edək ki, məktəb Qarabağ müharibəsində şəhid olmuş Qarayev Mansur Şirvan oğlunun adını daşıyır. 2020/2021-ci dərs ilinin ikinci yarımilinin başlanması münasibətilə Zərdab RTŞ-nin müdiri Gülağa İsgəndərov məktəbdə olmuşdur. Şəhidin abidəsi önünə gül dəstələri qoyulmuş, ruhuna ehtiram bildirilmişdir. Həmçinin məktəb rəhbərliyinə xüsusi karantin rejimi dövründə tədrisin müvafiq qaydalar çərçivəsində təşkilinə dair tapşırıq və tövsiyələr vermiş, şagird və müəllim heyətinə yeni-yeni təhsil nailiyyətləri arzulamışdır.
https://www.facebook.com/zardab.edu.az

Çox Oxunanlar