Bizimlə əlaqə | Reklam
BolgeXeber.Com » Xəbərlər » Toy və yas mərasimlərinə icazə verilməlidir - AKTUAL

Toy və yas mərasimlərinə icazə verilməlidir - AKTUAL

27-02-2021, 09:30
Oxunub: 1 804 Dini Qurumlarla iş üzrə Dövlət Komitəsinin sədri Mübariz Qurbanlı jurnalistlərə açıqlamasında deyib ki, dini mərasimlər və toy məclislərinin bərpası ilə əlaqədar müvafiq addımlar atılacaq.

Mövzu ilə bağlı "Şərq"ə danışan millət vəkili Fazil Mustafa isə qeyd edir ki, Mübariz bəyin açıqlaması həmin məsələ ilə bağlı müsbət düşüncənin olmasının göstəricisidir:

"Toy və yas mərasimlərinin gecikdirilməsi çox yanlış düşüncədir. Yaxın bir zamanda buna icazə verilməlidir. Bu istiqamətdə mütləq addım atılmalıdır. Uzun müddətdir ki, insanlar övladına toy edə bilmir. Restoranda olmasa da olar. İcazə verin 20-30 nəfərlə də olsa camaat məclisini keçirsin. Bununla da mövzu qapansın.

Bir aydan sonra Müqəddəs Ramazan ayı başlayır. İnsanların bir qismi doğru dini düşüncəyə sahib olmadığına görə həmin müddət ərzində toy etməkdən çəkinir. Bu səbəbdən bir ay müddətində vətəndaşlara toy edə bilmək şansını vermək lazımdır.

Təbii ki, məclislərin keçirilməsinə nəzarət mütləqdir.

Mərasim zamanı insan sayının çox olmamasına riayət edilməlidir. Mübariz Qurbanlının açıqlama verməsi də bu yöndə müsbət fikirlərin olduğunu göstərir. Sadəcə, buna praktikada əməl etmək və konkret qərar vermək gərəkdir".
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]