Bizimlə əlaqə | Reklam
BolgeXeber.Com » Xəbərlər » Bərdədə Şəhidlər Xiyabanında tikinti abadlıq işləri başa çatmışdı

Bərdədə Şəhidlər Xiyabanında tikinti abadlıq işləri başa çatmışdı

2-03-2021, 17:27
Oxunub: 5 924 Bolgexeber.com bildirir ki, Bərdə şəhərinin Şəhidlər Xiyabanında rayon İcra Hakimiyyəti tərəfindən ötən ilin noyabr ayından başlanan abadlıq, təmir-bərpa işləri tam başa çatmışdır. Xiyabanda birinci Qarabağ müharibəsindən bəri olan şəhid məzarlarının kənarlarında qranit və mərmər döşəmə örtüyü, qranit lövhə və arxa divarlar təmir edilmiş, ərazidə texniki bərkitmə işləri aparılmış, əraziyə 1600 kv metr tamet üzlük döşənmişdir. Xiyaban ərazisi dekorativ divarla ümumi qəbirstanlıqdan ayrılmış, yaşıllıq zolaqları yaradılmış, su sistemi quraşdırılmış, ad göstəricisi olan giriş qapısı, şəhid bulağı kompleksi, işıqlandırma sistemi bərpa olunmuş, oturacaqlar və çöp qabları quraşdırılmışdır. Xiyabanın girişinə, ana yol və keçidlərə asfalt örtük verilmişdir. Şəhidlər Xiyabanı kompleksi şəhid ailələrini, ümumilikdə ziyarətçiləri razı salacaq səviyyədə dizayn baxımından da səliqə ilə işlənmişdir.
Bununla yanaşı kənd qəbirstanlıqlarında dəfn olunan şəhidlərimizin məzarlarının götürülməsi işi də tamamlanmışdır.

Allah şəhidlərimizə rəhmət etsin!
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]