BolgeXeber.Com » Xəbərlər » Siyəzəndə karantin qaydalarını pozan repetitor saxlanıldı

Siyəzəndə karantin qaydalarını pozan repetitor saxlanıldı

17-04-2021, 13:30

Oxunub: 1 216

Siyəzəndə karantin qaydalarını pozaraq məktəblilərə hazırlıq təşkil edən müəllim müəyyən olunub.
Bu barədə Daxili İşlər Nazirliyinin (DİN) Mətbuat Xidmətinin Quba rayonunda regional qrupundan məlumat verilib.
Bildirilib ki, Siyəzən Rayon Polis Şöbəsinin əməkdaşları rayon ərazisində xidmət aparan zaman, repetitor fəaliyyəti ilə məşğul olan rayon sakini Vüqar Abdullayevin karantin qaydalarını pozması halı aşkar edilib. Belə ki, həmin şəxsin 22 nəfər şagirdlə bir otaqda dərs keçməsi müəyyən edilib.
Polis əməkdaşları tərəfindən V.Abdullayevin törətdiyi qanunazidd hərəkətin qarşısı alınıb, yeniyetmələr isə ailələrinə təhvil verilərək, valideynlərə övladlarının səhhəti ilə bağlı məsələdə məsuliyyətli olması və sanitar-karantin rejiminin tələblərinin yerinə yetirilməsi barədə xəbərdarlıq edilib.
V.Abdullayev barədə Siyəzən RPŞ-də qanunamüvafiq tədbir görülüb.

Çox Oxunanlar