Bizimlə əlaqə | Reklam
BolgeXeber.Com » Xəbərlər » Zaqatalada narkotik satan şəxsin yaşadığı evdən odlu silah və civə götürülüb

Zaqatalada narkotik satan şəxsin yaşadığı evdən odlu silah və civə götürülüb

23-06-2021, 13:07
Oxunub: 4 624 Zaqatalada narkotik vasitələrin qanunsuz dövriyyəsi ilə məşğul olan və odlu silah-sursat gizlədən şəxs saxlanılıb.
Daxili İşlər Nazirliyinin mətbuat xidmətinin Şəki regional qrupundan Bolgexeber.com-a bildiriblər ki, rayon polis şöbəsinə Asif adlı şəxsin narkotik vasitələrin və zəhərli maddə hesab edilən civənin satışı ilə məşğul olması barədə əməliyyat məlumatı daxil olub.
Keçirilən tədbir zamanı həmin şəxs - Zaqatala rayonu Yuxarı Tala kənd sakini, əvvəllər Cinayət Məcəlləsinin müxtəlif maddələri ilə bir neçə dəfə məhkum olunmuş Asif Davudov tutulub. Onun yaşadığı evə baxış keçirilən zaman müxtəlif növ narkotik vasitələr - heroin, tiryək, qurudulmuş marixuana, metamfetamin, metadon həbləri, elektron tərəzilər, içərisində heroin və tiryək məhlulu olan 8 şpris, eləcə də qanunsuz saxladığı qoşalülə ov tüfəngi və ona aid 11 patron aşkarlanaraq maddi sübut kimi götürülüb.
Davam etdirilən tədbirlərlə A.Davudovun evindən zəhərli maddə hesab edilən civə də aşkarlanıb.
Araşdırma zamanı onun həmin maddəni satmaq məqsədilə evində saxladığı məlum olub.
Faktla bağlı Zaqatala Rayon Polis Şöbəsində cinayət işi başlanıb, əməliyyat-istintaq tədbirləri davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]