BolgeXeber.Com » Xəbərlər » Bərdədə əhalinin vaksinasiyası ilə əlaqədar müşavirə keçirilmişdir

Bərdədə əhalinin vaksinasiyası ilə əlaqədar müşavirə keçirilmişdir

24-07-2021, 18:08

Oxunub: 1 088

Bərdə rayonunda COVID-19 pandemiyasına qarşı mübarizə tədbirləri çərçivəsində əhalinin kütləvi vaksinasiyası davam etdirilir.
Bu günə qədər rayon əhalisinin 41 faizi, başqa sözlə 47 min nəfərə yaxın şəxs vaksinasiya olunub. İndiyə qədər cəmi 63 min doza vaksin istifadə olunmuşdur.
Rayonda əhali arasında vaksinasiya tədbirlərini sürətləndirmək məqsədilə rayon İcra Hakimiyyətində bu məqsədlə yaradılmış Qərargah üzvlərinin, işçi qruplarının, icra nümayəndələrinin, sahə müvəkkillərinin, aidiyyəti qurumların rəhbərlərinin birgə operativ müşavirəsi keçirilmişdir.
Müşavirədə çıxış edən rayon İcra Hakimiyyətinin başçısı Vidadi İsayev bu sahədə indiyədək görülən tədbirləri təhlil etmiş və vaksinasiya işinin sürətləndirilməsi üçün həlli vacib məsələlərlə əlaqədar konkret tapşırıqlar vermişdir.
Əsas diqqət əhali arasında maarifləndirməyə, vaksinasiya üçün daha yaxşı şəraitin yaradılmasına, yerlərdə tibb məntəqələrindən səmərəli istifadə olunmasına, şadlıq evlərində və kütləvi tədbirlərin keçirildiyi yerlərdə qaydaların gözlənilməsinə və digər həlli vacib məsələlərə yönəldilmişdir.

Çox Oxunanlar