BolgeXeber.Com » Xəbərlər » "Zəfər Günü amnistiya ola bilər" - MÜJDƏ

"Zəfər Günü amnistiya ola bilər" - MÜJDƏ

7-10-2021, 13:45

Oxunub: 1 040

Bayramlar ərəfəsində bir qayda olaraq azadlıqdan məhrum edilmiş şəxslərlə bağlı əfv sərəncamı imzalanır.

Qarşıdan 8 noyabr tarixində qeyd ediləcək Zəfər Günü gəlir. Bu bayram ərəfəsində növbəti əfv sərəncamı gözlənilirmi?

Prezident yanında Əfv Məsələləri Komissiyasının üzvü, “Konstitusiya” Araşdırmalar Fondunun rəhbəri Əliməmməd Nuriyev Cebhe.info-ya bildirdi ki, bu il ərzində ölkə başçısı tərəfindən Novruz bayramı ərəfəsində əfv sərəncamı imzalanmışdı:

“Həmin ərəfədə 500-dən artıq məhkum əfv olunmuşdu. Yeni bir əfv sərəncamı olmasını güman etmirəm. Hazırkı şəraitdə əfv komissiyasının iclası olmayıb. Əfv sərəncamının hazırlanması ilə bağlı müəyyən qədər vaxt lazımdır. Ancaq bu Prezidentin müstəsna səlahiyyətindədir və istənilən zaman əfv sərəncamı imzalaya bilər. Yaxın günlərdə əfv sərəncamının olmasına bir qədər pessimist yanaşıram. Ancaq amnistiya məsələsi meydana çıxa bilər. Çünki uzun müddətdir ki, amnistiya aktı qəbul olunmayıb. Sonuncu dəfə 2016-cı ildə Birinci vitse-prezident Mehriban Əliyevanın təşəbbüsü ilə olmuşdu.

Son 4 amnistiya aktı Mehriban Əlyevanın təşəbbüsü ilə olub. Hər dörd ildən bir amnistiya aktının olması gözləniləndir. Hesab edirəm ki, parlament Zəfər Günü ilə bağlı amnistiya aktını qəbul edə bilər. Çünki Zəfər Günü çox möhtəşəm bir bayramdır.

Nəzərə almaq lazımdır ki, Vətən müharibəsində qələbə, Prezidentin əfv sərəncamının genişmiqyaslı olmasında təsir göstərən amillərdən biri idi. Bu baxımdan növbəti dəfə əfv sərəncamının deyil, amnistiya aktının olmasını güman edirəm”.

Çox Oxunanlar