BolgeXeber.Com » Xəbərlər » Aeroport yolunda qəza törədən sürücünün 19 yaşı var imiş - Saxlanıldı

Aeroport yolunda qəza törədən sürücünün 19 yaşı var imiş - Saxlanıldı

13-10-2021, 10:51

Oxunub: 576 Bu gün səhər saatlarında Bakıda sərnişin avtobusuna çırpılaraq 5 nəfərin ölümünə səbəb olan yük maşınının sürücüsü saxlanılıb.

Bolgexeber.com xəbər verir ki, Bakı DYP-nin baş inspektoru, polis mayoru Araz Əsgərli "Qafqazinfo”ya açıqlamasında bildirib ki, qəzanı törədən 99 DH 343 dövlət nömrə nişanlı yük avtomobilinin sürücüsü, Qobustan sakini, 2002-ci il təvəllüdlü Əzizov Mahmud Babagözəl oğlu tutulub.

Faktla bağlı araşdırma aparılır.

Qeyd edək ki, Mərdəkan istiqamətində hərəkətdə olan 99 DH 343 DQN-lı "Mercedes” markalı yük avtomobili "Ayşən LTD” şirkətinin müvəqqəti istismarında olan, 171 nömrəli müntəzəm marşrut xətti üzrə 10 TH 116 DQN-lı sərnişin avtobusuna çırpılıb. İlkin məlumata görə, hadisə yük avtomobili sürücüsünün sükan arxasında yuxulaması səbəbindən baş verib. Belə ki, sürücü yuxuladığından avtomobil idarəetmədən çıxaraq avtobusa dəyib. Nəticədə, avtobus da aşıb.

Çox Oxunanlar