BolgeXeber.Com » Xəbərlər » Hacıqabulda “20 Yanvar faciəsinə Heydər Əliyev baxışı” adlı tədbir keçirilmişdir

Hacıqabulda “20 Yanvar faciəsinə Heydər Əliyev baxışı” adlı tədbir keçirilmişdir

19-01-2022, 11:12
Oxunub: 2 432 18 yanvar 2022-ci il tarixində Hacıqabul rayon Heydər Əliyev Mərkəzində 1990-cı il 20 Yanvar faciəsinin 32-ci ildönümü münasibətilə “20 Yanvar faciəsinə Heydər Əliyev baxışı” adlı tədbir keçirilmişdir. Tədbirdə rayon Heydər Əliyev Mərkəzinin, Uşaq və Ailələrin Dəstək Mərkəzinin, Gənclərin İnkişaf və Karyera Mərkəzinin əməkdaşları, eləcə də rayon gəncləri – orta məktəb şagirdləri iştirak etmişlər. Heydər Əliyev Mərkəzinin direktoru Aytən İmanova tədbiri giriş nitqi ilə açdıqdan sonra, iştirakçılar şəhidlərin xatirəsini bir dəqiqəlik sükutla yad etmişlər. Sonra söz 20 Yanvarın səbəb və nəticələrindən danışmaq üçün Mərkəzin baş fond mühafizi Məhəmməd İsayevə verilmişdir. Uşaq və Ailələrin Dəstək Mərkəzinin direktoru Aynur Əsədovanın 20 Yanvar faciəsindən ətraflı məruzə etməsinin ardınca Heydər Əliyev Mərkəzinin elmi işçisi Xanım Ağayeva “20 Yanvar və Heydər Əliyev” mövzusunda çıxış etmişdir. Gənclərin İnkişaf və Karyera Mərkəzinin direktoru Həbib İbrahimov çıxışlara əlavələrini edərək, sözü 20 Yanvar mövzusundakı şeiri ifa etmiş Ləman və Aliyə Nəsirovalara vermişdir. Sonda 1990-cı il 20 Yanvar faciəsinə aid videomateriallar nümayiş etdirilmişdir.
Məhəmməd İsayev,
Hacıqabul rayon Heydər Əliyev Mərkəzinin baş fond mühafizi