Bizimlə əlaqə | Reklam
BolgeXeber.Com » Xəbərlər » Daha 2 ölkədə meymun çiçəyi aşkarlandı

Daha 2 ölkədə meymun çiçəyi aşkarlandı

20-05-2022, 15:42
Oxunub: 3 976 Fransa “meymun çiçəyi” xəstəliyinin yayıldığı növbəti Avropa ölkəsi ola bilər.

Medicina.az xəbər verir ki, mayın 19-da Fransanın ictimai səhiyyə orqanı tibb mütəxəssislərinə İle-de-Fransda "meymun çiçəyi" ilə bağlı ilk şübhəli hadisənin müəyyən edildiyini bildirən sənəd ünvanlayıb. Xəstə barəsində digər hər-hansı bir məlumat verilmir.

Sənəddə qeyd olunur ki, ölkədə xəstəliyə birinci yoluxma halını təsdiqləmək üçün əlavə təhlillər və virusun olub-olmaması üçün bir sıra testlər aparmaq lazımdır.

Qurum bildirir ki, çiçək xəstəliyinin simptomları bədən istiliyinin 38 ° C-dən yuxarı olması, "vezikulyar səpgi", sətəlcəm və ya bilinən səbəb olmadan beynin iltihabıdır.

İtaliyada da "meymun çiçəyi" xəstəliyinə ilk yoluxma faktı aşkar edilib.

Qeyd olunur ki, virus bir müddət əvvəl Kanar adalarından səfərdən qayıtmış şəxsdə aşkarlanıb.

Onun vəziyyətinin qənaətbəxş olduğu deyilir. Bundan başqa, daha iki nəfərdə "meymun çiçəyi"nə yoluxma şübhəsi araşdırılır.


Qeyd edək ki, son həftələrdə "meymun çiçəyi" virusu Avropanın bir neçə ölkəsində qeydə alınıb. İspaniya və Portuqaliyada ümumilikdə 40-dan çox şəxs bu virusa yoluxub. Bundan başqa, yoluxmalar Böyük Britaniya və ABŞ-da da müəyyən edilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]