BolgeXeber.Com » Xəbərlər » Qadın ona hücum edən ərini bıçaqladı - Bərdədəki qətlin TƏFƏRRÜATI

Qadın ona hücum edən ərini bıçaqladı - Bərdədəki qətlin TƏFƏRRÜATI

30-07-2022, 13:00

Oxunub: 4 488 Dünən Bərdə rayonunun Şorəlli kəndində həyat yoldaşı trəfindən qətlə yetirilən Nurlan Çərkəzli məmur olub.

“Qafqazinfo”nun əldə etdiyi məlumata görə, çoxsaylı bıçaq zərbələri ilə öldürülən 28 yaşlı şəxs “Azərişıq” ASC-nin Mərkəzi Aran Regional Enerji Təchizatı və Satışı İdarəsinin Bərdə rayon Elektrik Şəbəkəsində çalışırmış.

Bilirilir ki, Ağdam rayonunun Sıxravənd kəndindən məcburi köçkün olan Nurlan və ailəsi 2 il əvvəl Bərdənin Şorəlli kəndinə köçərək yaşamağa başlayıb. Onun həyat yoldaşı Aysu Çərkəzli ilə izdivacdan 3 övladı dünyaya gəlib.

Qonşular ailənin çox sakit həyat sürdüyünü, indiyədək hər hansı münaqişələrini görmədiklərini deyiblər.

İlkin məlumata görə, ilk olaraq N.Çərkəzli arvadını bıçaqlamaq üçün ona hücum çəkib. A.Çərkəzli də özünü müdafiə etmək üçün ərini bıçaqlayıb. Qadının xəsarətləri yüngül olduğundan onun həyatını xilas etmək mümkün olub. N.Çərkəzli isə boynundan xəsarət aldığı üçün xəstəxanaya çatdırılmamış qanitirmədən keçinib.
Prokurorluqdan bildirilib ki, zərərçəkmişin arvadı, 1994-cü il təvəllüdlü Aysu Çərkəzlinin qısqanclıq zəminində aralarında yaranmış mübahisə zamanı bıçaqla çoxsaylı xəsarətlər yetirməklə Nurlan Çərkəzlini qəsdən öldürməsinə əsaslı şübhələr müəyyən edilib. Faktla bağlı cinayət işi başlanıb. Aysu Çərkəzli şübhəli şəxs qismində tutularaq istintaqa cəlb edilib. İstintaq davam etdirilir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]