Bizimlə əlaqə | Reklam
BolgeXeber.Com » Xəbərlər » Sabiq bələdiyyə sədri məhkəmənin uzanmasına etiraz edib

Sabiq bələdiyyə sədri məhkəmənin uzanmasına etiraz edib

30-08-2022, 15:18
Oxunub: 2 656 Külli miqdarda dələduzluqda ittiham olunan Binəqədi rayon bələdiyyəsinin keçmiş sədri Aytac Əliyeva və bacısı İlknur Əliyevanın (Turkut) cinayət işi üzrə məhkəmə araşdırması davam etdirilib.
Bu gün Bakı Ağır Cinayətlər Məhkəməsində hakim Rasim Sadıxovun sədrliyi ilə keçirilən prosesdə zərərçəkmiş dindirilib. Zərərçəkmiş ifadəsində bacılara 200 min manat verdiyini deyib və ziyanın ödənilməsini tələb edib.
Hakim iclasa yalnız bir zərərçəkmişin gəldiyini dedikdə Aytac Əliyeva ağlayaraq məhkəmənin uzadılmasına etiraz edib.
O, proses uzandıqca şahidlərin öyrədildiyini deyib.
Proses sentyabrın 6-da davam etdiriləcək.
Xatırladaq ki, Binəqədi rayon bələdiyyəsinin keçmiş sədri Aytac Əliyeva bacısı İlknur Əliyeva (Turkut) ilə birgə qızıl alveri etmək məqsədilə vətəndaşlara qarşı 1 milyon manata yaxın dələduzluqda təqsirləndirilirlər. Onlar barəsində Cinayət Məcəlləsinin 178.3.2-ci (Dələduzluq, külli miqdarda ziyan vurmaqla törədildikdə) maddəsi ilə cinayət işi başlanılaraq barələrində həbs qətimkan tədbiri seçilib.
İttiham olunan İlknur Əliyeva bir müddət əvvəl ev dustaqlığına buraxılıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]