BolgeXeber.Com » Xəbərlər » Azərbaycanda qadın balta ilə qətlə yetirildi - Əri şübhəli bilinir

Azərbaycanda qadın balta ilə qətlə yetirildi - Əri şübhəli bilinir

6-12-2022, 16:13
Oxunub: 3 448 Gədəbəydə qadın balta ilə qətlə yetirilib, əri şübhəli bilinir.

Bu barədə Baş Prokurorluğun Mətbuat Xidmətindən məlumat verilib.
Qeyd edilib ki, rayonun Şəkərbəy kəndi ərazisində 1990-ci il təvəllüdlü Könül Abdullayevanın öldürülməsi barədə rayon prokurorluğuna ilkin məlumat daxil olub.

Aparılan araşdırmalarla zərərçəkmişin əri, 1990-cı il təvəllüdlü Elməddin Abdullayevin şəxsi münasibətlər zəminində aralarında yaranan münaqişə zamanı balta ilə çoxsaylı xəsarətlər yetirərək Könül Abdullayevanı qəsdən öldürməsinə əsaslı şübhələr müəyyən edilib.

Hazırda prokurorluq və polis əməkdaşları hadisə yerinin müayinəsini aparırlar.