Əməkdaşlarımız bu küçənin problemini işıqlandırdı- PROBLEM HƏLL OLUNDU

Dünən Bolge.TV-nin əməkdaşları M.S.Ordubadi küçəsində yaşayış evlərinin yaxınlığına məişət tullantılarının atılması ilə bağlı yaranan narazılığı çəkiliş apararaq işıqlandırmışlar.

Çəkilişdən sonra 11 saylı Regional Ekologiya və Təbii Sərvətlər İdarəsinin əməkdaşları əraziyə baxış keçirib.

11 saylı Regional Ekologiya və Təbii Sərvətlər İdarəsindən bildirilib ki, Nazirliyə Binəqədi rayonu, Biləcəri qəsəbəsi, M.S.Ordubadi küçəsi yaşayış evlərinin yaxınlığına məişət tullantılarının atılması barədə daxil olmuş məlumata əsasən sözügedən ünvanda 11 saylı Regional Ekologiya və Təbii Sərvətlər İdarəsinin əməkdaşları tərəfindən yerində baxış keçirilmişdir. 

Araşdırma müddəti ərzində yol kənarına atılmış tullantılar Binəqədi Rayon Mənzil Kommunal Təsərrüfatı Birliyinin əməkdaşları tərəfindən təmizlənilərək ərazi əvvəlki vəziyyətinə gətirilmişdir.