BolgeXeber.Com » Xəbərlər » Azərbaycanda 181 din xadiminin fəaliyyətinə xitam verilib - RƏSMİ

Azərbaycanda 181 din xadiminin fəaliyyətinə xitam verilib - RƏSMİ

21-06-2023, 12:24

Oxunub: 1 008

Azərbaycanda son bir ildə 181 din xadiminin fəaliyyətinə xitam verilib.

Bolgə.TV Report-a istinadən xəbər verir ki, bunu Dini Qurumlarla İş üzrə Dövlət Komitəsinin sədrinin müavini Gündüz İsmayılov “Azərbaycanın dövlət-din modeli” mövzusunda keçirilən konfransda deyib.

Onun sözlərinə görə, birinci vakansiya zamanı ümumilikdə 270 sənəd qəbulu olub və onlardan 133-ü müsahibədən keçib:

“Müsahibədən keçənlərin 112-si isə təyinat ala bilib. İkinci vakansiya zamanı isə 254 müraciətdən 66-sı müsahibədən keçib və 55 nəfəri təyinat ala bilib".

G.İsmayılov üçüncü vakansiya ilə bağlı sənəd qəbulu başa çatdığını da bildirib.

Sədr müavini son bir il ərzindəki təyinatların statistikasını da açıqlayıb:

"Son bir il ərzində din xadimləri üzrə 169 təyinat olub. 21 rotasiya olduğu halda, 181 din xadiminin fəaliyyətinə xitam verilib".

Çox Oxunanlar