Məşhur seysmoloq xəbərdarlıq etdi: Güclü zəlzələ gözlənilir

Türkiyənin aparıcı seysmoloqu Naci Görür deyib ki, İstanbul yaxınlığında maqnitudası 7,0 və daha çox olan zəlzələ ehtimalı 60%-i ötür.

Avqustun 17-də Türkiyə 1999-cu il avqustun 17-də Mərmərə dənizində baş vermiş dağıdıcı zəlzələnin ildönümünü qeyd edir.

“İstanbul bölgəsində maqnitudası 7,0 və daha çox olan yeni zəlzələnin proqnozlaşdırıldığı 30 illik dövr başa çatmaq üzrədir. Əvvəllər dəfələrlə xəbərdarlıq etmişik ki, 2029-cu ilə qədər bölgədə 1999-cu il avqustun 17-də baş verən zəlzələdən az olmayan güclü zəlzələ gözlənilir.

Bunun ehtimalı ən azı 64 faizdir və İstanbul belə bir zəlzələyə hazır deyil”, - TV-100 ekspertdən sitat gətirib.

Xatırladaq ki, 1999-cu ilin avqustunda İstanbul bölgəsində 7,6 bal gücündə zəlzələ baş vermişdi. Rəsmi məlumatlara görə, həmin vaxt 17 200 nəfər ölüb, 45 000 nəfər yaralanıb.