Bakıda niyə bayram çadırları qurulmayıb?

Hər il Yeni il və Novruz bayramı, həmçinin yeni tədris ili ərəfəsində Bakıda metrostansiyaların çıxışlarında qurulan çadırlar bu il gözə dəymir.

Bolgə.TV xəbər verir ki, artıq rəsmi olaraq çadırların qurulmasına icazə verilməyib.

Buna səbəb kimi hər il çadırlarla bağlı müəyyən narazılıqların yaranması əsas gətirilib.

Qeyd edək ki, Bakı Şəhər İcra Hakimiyyəti tərəfindən (BŞİH) bayram ərəfələrində əksər metrostansiyaların çıxışlarında satış məqsədilə çadırlar qurulurdu. Orada istər ərzaq, istərsə də qeyri-ərzaq malları satışa çıxarılırdı.