Yağışlı hava nə vaxta qədər davam edəcək? - Açıqlama

Bakı və Abşeron yarımadasında fevral ayının 11-12-də gün ərzində yağmursuz hava şəraiti müşahidə olunacaq.

Bu sözləri Bolgə.TV-yə açıqlamasında Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova deyib.

“Lakin 12-i gecə və 13-ü səhər saatlarında havanın zəif çiskinli olacağı ehtimal olunur. Bölgələrimizdə də yağmursuz hava şəraiti gözlənilir. Gecə və səhər saatlarında bəzi şərq rayonlarında yağıntılar olacağı ehtimalı var. Havanın temperaturu Bakı və Abşeron yarımadasında 6-10, aran rayonlarında 8-13 dərəcə arası dəyişəcək. Dağlıq ərazilərimizdə havanın temperaturu 3 dərəcə şaxtadan 2 dərəcəyədək isti olacaq. İlkin məlumatlar bu qədərdir”, - Məmmədova bildirib.