Bizimlə əlaqə | Reklam
BolgeXeber.Com » Siyasət » Sosial şəbəkələrdə separatizm təbliğatı

Sosial şəbəkələrdə separatizm təbliğatı

12-08-2011, 04:35
Oxunub: 7 365 Bir qrup şəxs talışların hüquqlarının tapdandığını iddia edib

Azərbaycanda xeyli sayda kiçik xalqların yaşaması bəzən problemlərə səbəb olur. Daha doğrusu, bu xalqların içindən çıxan bir ovuc separatçı ölkənin parçalanmasına rəvac verən açıqlamaları ilə ortalığı qarışdırmağa çalışırlar.

Bolgexeber.com bildirir ki, dünəndən etibarən sosial şəbəkələrdə seapartçıların fəallaşması müşahidə olunmaqdadır. Belə ki, Hilal Məmmədov adlı şəxsin Cənub bölgəsinin təbiətini əks etdirən fotoşəkillər yaymasından sonra ortaya atılan bir neçə şəxs bunu «talış separatizmi»nə çevirməyə başlayıblar. Həmin müzakirələrdə iştirak edən Mətləb Dadaşov adlı şəxs hətta işi ağlasığmaz yerə çatdırıb.

Sözügedən şəxs sosial şəbəkələrdə yazdığı şərhlərində iddia edib ki, guya, Azərbaycanda talışların hüquqları tapdanır və onların tarixi araşdırılmır. Bu azmış kimi, onu da deyib ki, guya, talışların tarixi «qıfıllı qapılar arxasındadır».

Amma işin ən gülməli tərəfi odur ki, Mətləb Dadaşov Azərbaycan tarixinin ən böyük qəhrəmanlarından biri olan Babəki də talış çıxarıb. O iddia edib ki, Babək qalası Cənub bölgəsindədir və Babək də talış olub. «Babəkin edamı zamanı son işlətdiyi söz isə «Axı, çe Həsəne» olub. O, öz ana dilində, talış dilində danışıb».

Bolgexeber.com olaraq bildirək ki, Azərbaycanda yaşayan bütün xalqlar üçün eyni şərait mövcuddur və heç bir ayrı-seçkiliyə yol verilmir. Xüsusən də talış xalqının nümayəndələri heç bir maneə ilə üzləşmirlər. Faktiki olaraq, bu xalqın övladları digər vətəndaşlar kimi, dövlət vəzifələrində və ayrı sahələrdə sərbəst çalışır və fəaliyyət göstərirlər. Belə təbliğatlar isə separatizmdən başqa bir şey deyil və düşmən dəyirmanına su tökməyə xidmət edir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]