Bizimlə əlaqə | Reklam
BolgeXeber.Com » Siyasət » Prokurorluq təbir keçirdi

Prokurorluq təbir keçirdi

19-09-2011, 16:45
Oxunub: 6 002

Bu gün Litva Respublikasının Xüsusi İstintaq Xidmətinin birgə həyata keçirdiyi “Azərbaycan Respublikasının Baş Prokurorluğu yanında Korrupsiyaya Qarşı Mübarizə İdarəsinə dəstək” layihəsinin başa çatması ilə əlaqədar yekun mərasim keçirilib.
Bolgexeber.com-un məlumatına görə, tədbirdə çıxış edən Korrupsiyaya Qarşı Mübarizə İdarəsinin rəisi Kamran Əliyev deyib ki, adıçəkilən tvininq proqramı çərçivəsində Avropa İttifaqının ekspertləri ilə birlikdə 2009-cu ilin iyununda müvafiq müqavilə imzalanıb.

Avropa İttifaqının Azərbaycandakı nümayəndəsi Roland Kobiya bildirib ki, dünyanın bir çox ölkələrində korrupsiya faktları mövcuddur, lakin səviyyəsi ölkələrə görə dəyişir: “Problem ondan ibarətdir ki, rüşvət və korrupsiyanın sərhədi yoxdur. Biz Azərbaycan hökuməti ilə birgə işləyirik. Assosiativ müqavilə imzalanıb. Azərbaycan hökuməti təkliflərimizi qəbul edib, qaynar xətt yaradılıb. Bunun özü də demokratiyadır, lakin, bu, möcüzə aparatı deyil”.

Litvanın Azərbaycanda fövqəladə və səlahiyyətli səfiri Kyastutis Kudzmanas isə qeyd edib ki, layihə gözlənilən nəticəni verib: “Bu həm bizim ölkələr üçün, həm də Avropa İttifaqının digər ölkələri üçün faydalı olacaq. Azərbaycanın qanunvericilik bazasının təkmilləşdirilməsinə yönələn təkliflər irəli sürdük. Bu təkliflər çoxfunksiyalıdır və ölkələr arasında əlaqələri möhkəmləndirəcək”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]