“WikiLeaks” : Cəlal Əliyev “Təhsil haqqında” qanuna qarşı
27-09-2011, 16:35
Oxunub: 6 502
Cəlal Əliyev həmin dövrdə ailənin əsas söz sahiblərindən biri kimi şəxsi maraqlarından çıxış edərək uzun illər yeni qanunun qəbulunu ləngidib “WikiLeaks” saytı Azərbaycanla bağlı materialları yaymaqda davam edir. Növbəti belə material Azərbaycandakı təhsil sistemi ilə bağlı ABŞ səfirliyinin müvəqqəti işlər vəkili olmuş Donald Lunun Vaşinqtona məxfi məktubudur. Məktubda ən maraqlı məqam “Təhsil haqqında” Qanun ətrafında baş verənlər barədə qeydlərdir. Oxucuların diqqətinə çatdıraq ki, “Təhsil haqqında” Qanun 1998-ci ildən başlayaraq hakimiyyət daxilində mübahisəli məsələ olub və bu baxımdan qəbulu ləngiyib. Uzun mübahisə və intriqalardan sonra ötən il qanunun qəbuluna nail olunub.
Donald Lu məktubunda yazıb ki, yeni qanuna qarşı ən sərt şəkildə çıxan Ilham Əliyevin əmisi, deputat Cəlal Əliyev olub. O, həmçinin bu qanunu dəstəkləyənlərə qarşı da sərt mövqe sərgiləyib. Donald Lu yazıb ki, Cəlal Əliyevin bu mövqeyi aspiranturanın ləğvini istəməməsi ilə bağlıdır. ABŞ səfirliyinin əməkdaşı aspiranturanı Cəlal Əliyevin gəlir mənbələrindən biri kimi göstərib.
Beləliklə bəlli olur ki, Azərbaycanda təhsil sisteminin axsamasında birbaşa hakim ailənin rolu olub. Cəlal Əliyev həmin dövrdə ailənin əsas söz sahiblərindən biri kimi şəxsi maraqlarından çıxış edərək uzun illər yeni qanunun qəbulunu ləngidib. 2005-ci ildən sonra onun mövqelərinin zəiflədilməsi və nəhayət, tamamilə küncə sıxışdırılması yeni qanunun qəbuluna şərait yaradıb.
Donald Lunun məktubunda daha bir maraqlı məqam yeni qanunla bağlıdır. ABŞ səfirliyinin əməkdaşı məktubunun şərh hissəsində qeyd edib ki, hətta yeni qanun da Azərbaycan təhsilindəki problemlərin aradan qaldırılması, təhsil sisteminin modernləşdirilməsi və müasir standartların tətbiqini əhatə etmir.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
