BolgeXeber.Com » Siyasət » Bu gün YAP namizədlər siyahisini açiqlayacaq

Bu gün YAP namizədlər siyahisini açiqlayacaq

15-09-2010, 09:30

Oxunub: 6 363

Hakim partiyanın deputatları və rəhbərliyi parlament seçkilərində namizəd olacaq şəxslərin adlarını artıq bilir

Bu gün axşamüstündən başlayaraq, hakim partiyanın - YAP-ın qərargahında xüsusi intensivlik müşahidə olunub. Bu partiyanın deputatlarından birinin saytımıza verdiyi məlumata görə, buna səbəb iqtidar partiyasının parlament seçkiləri ilə əlaqədar çoxdan gözlənilən siyahısının nəhayət, partiya rəhbərliyinə verilməsi olub. Adının açıqlanmaması şərti ilə müxbirimizə məlumat verən deputatın deməsinə görə, bu siyahı Prezident Aparatından göndərilib və bu gün mətbuata açıqlanacaq.

Deputat siyahının içərisi barədə məlumatsızdır; lakin ortada çoxlu sürpriz adların olması barədə ona xəbərlər çatıb. Bu da o deməkdir ki, iqtidar partiyasının parlament seçkilərinə dair siyahısında yeni adlar var; deməli “köhnə” adlardan da xeylisi yoxdur. Onun iddiasına görə, iqtidar deputatlarından əksəriyyəti və bu partiyanın rəhbərliyi siyahı barədə məlumatlıdırlar.

YAP düşərgəsində xüsusi vəziyyətin olmasını bu günə aid başqa bir xəbər də təsdiqləyir. Müstəqil deputatlardan biri müxbirimizə bildirib ki, İngiltərə kraliçasının ad günü ilə əlaqədar bu ölkənin Bakıdakı səfirliyinin düzənlədiyi ənənəvi tədbirə hakim partiyadan demək olar ki, heç kim qatılmamışdı: “Bu fakt tədbirdə iştirak edən hər kəsdə suallar doğurdu. Hamı “YAP-çılardan niyə kimsə yoxdur”, -deyə bir-birinə suallar verirdi”.

Xatırladaq ki, parlament seçkilərində iştirak etmək istəyən bütün partiya və bloklar namizədlər siyahısını açıqlayıblar. Yeganə hakim partiya – YAP seçki siyahısını hələ də açıqlamayıb. Belə bir fakt bu partiyanın tarixində ilk dəfədir müşahidə olunur.

Çox Oxunanlar