BolgeXeber.Com » Siyasət » İlham Əliyev baş verən faciə ilə bağlı Türkiyəyə başsağlığı verdi

İlham Əliyev baş verən faciə ilə bağlı Türkiyəyə başsağlığı verdi

14-05-2014, 12:35

Oxunub: 3 736

"Bu xəbərə çox kədərləndim"-İlham Əliyev

Bolgexeber.com İlham Əliyevin həm prezidentə, həm də baş nazirə ünvanladığı başsağlığını təqdim edir: "Hörmətli cənab Prezident, Manisa vilayətindəki kömür mədənində baş vermiş partlayış nəticəsində çoxsaylı insan tələfatı xəbəri məni son dərəcə sarsıtdı.

Bu faciə ilə əlaqədar kədərinizi bölüşür, Sizə, həlak olanların ailələrinə və yaxınlarına, bütün Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyirəm".

"Hörmətli cənab Baş nazir, Manisa vilayətinin Soma rayonundakı kömür mədənində baş vermiş qəza nəticəsində çox sayda insanın həlak olması və yaralanması xəbərindən olduqca kədərləndim.

Bu faciə ilə əlaqədar kədərinizi bölüşür, Sizə, həlak olanların ailələrinə və yaxınlarına, qardaş Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananların və xəsarət alanların tezliklə sağalmasını arzulayıram".

Çox Oxunanlar