BolgeXeber.Com » Siyasət » Prezident İlham Əliyevdən kim üzr istədi?!

Prezident İlham Əliyevdən kim üzr istədi?!

27-10-2011, 11:35

Oxunub: 2 287

Diplomat Moldova tərəfindən həqiqətən də Ermənistana 3 milyon dollar dəyərində silah satıldığını təsdiqləyib və bu faktı səhv siyasi addım adlandırıb

Moldova Ermənistana silah satdığı üçün Azərbaycandan üzr istəyib. Məlumata görə, Varşavada keçirilən Şərt Tərəfdaşlığı sammiti çərçivəsində Moldovanın baş naziri Vlad Filat Azərbaycanın dövlət başçısı İlham Əliyevə öz üzürxahlığını çatdırıb. "Bolgexeber"-ın məlumatına görə, bu barədə jurnalistlərə açıqlamasında Moldavanın Azərbaycandakı səfiri İqor Bodyu verib.

Diplomat Moldova tərəfindən həqiqətən də Ermənistana 3 milyon dollar dəyərində silah satıldığını təsdiqləyib və bu faktı səhv siyasi addım adlandırıb. "Düzdür, Ermənistana silah satışının qadağan edilməsi ilə bağlı beynəlxalq sanksiya yoxdur", deyə səfir qeyd edib.
Bodyu həmçinin Azərbaycan və Moldovanın ittifaq münasibətləri olduğunu da vurğulayıb.

"Hər iki dövlət GUAM üzvüdür. Biz ümid edirk ki, bu fakt münasibətlərimizə ziyan vurmayacaq. Artıq Moldovada parlament və təhlükəsizlik şurası komissiyası yaradılıb. Bu iki komissiya baş verən insidenti araşdırır. Bir daha qeyd edirəm ki, bu yalnış siyasi gediş idi".

Çox Oxunanlar