Bizimlə əlaqə | Reklam
BolgeXeber.Com » Siyasət » Ştrosserin səfəri baş tutmadı

Ştrosserin səfəri baş tutmadı

28-10-2011, 16:05
Oxunub: 6 212 Avropa Şurası Parlament Assambleyasının (AŞPA) siyasi məhbuslar üzrə məruzəçisi Kristof Ştrosserin Azərbaycana səfəri təxirə salınıb.

Bu barədə APA-ya K. Ştrosserin ofisindən məlumat verilib. Ofisdən bildirilib ki, viza məsələsi həllini tapmadığından məruzəçi səfərini təxirə salmalı olub.

“Ştrosser növbəti həftə Azərbaycana gəlməyi planlaşdırırdı. Viza almaq üçün lazımi sənədlər Azərbaycanın Almaniyadakı səfirliyinə təqdim edilsə də, gözlədiyimiz müddətdə cavab ala bilmədik. Bu səbəbdən Ştrosser səfərini təxirə salmaq məcburiyyətində qaldı”, - deyə ofisdən bildirilib.

Məsələyə aydınlıq gətirən Xarici İşlər Nazirliyinin mətbuat katibi Elman Abdullayev isə APA-ya bildirib ki, Azərbaycan məruzəçinin bu mandatda ölkəmizə səfər etməsini ədalətsiz və qəbuledilməz sayır: “Avropa Şurasında “siyasi məhbus” anlayışı dəqiq təyin olunmayıb. O ki qaldı Ştrosserin Bakıya səfər etməsinə, onun adi Almaniya vətəndaşı, yaxud Bundestaqın deputatı kimi Azərbaycana gəlməsinə keç bir etiraz yoxdur”.

Qeyd edək ki, K. Ştrosserin Azərbaycana noyabrın 4-də səfər edəcəyi barədə məlumat açıqlanıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]