BolgeXeber.Com » Siyasət » Çingiz Qənizadə TÜRKPA-nın iclasında iştirak edəcək

Çingiz Qənizadə TÜRKPA-nın iclasında iştirak edəcək

17-12-2011, 14:25
Oxunub: 4 671 Dekabrın 18-21 tarixlərində Türkiyənin paytaxtı Ankara şəhərində TÜRKPA-nın Hüquqi məsələlər komissiyasının iclası keçiriləcək.

Bolgexeber.com-un məlumatına görə, iclasın gündəliyində “TÜRKPA-ya üzv olan dövlətlərin milli parlamentlərinin və parlamentarilərin konstitusiya sistemində funksiyası, vəzifəsi və rolu” mövzusu müzakirə olunacaq.

İclasda, quruma üzv dövlətlərin parlamentlərinin hüquq sahəsində qanunvericilik bazasının inkişafı və bu sahədə təcrübə mübadiləsinin aparılması istiqamətində əməkdaşlıq məsələlərinə toxunulacaq, həmçinin quruma üzv ölkələr arasında daha sıx əlaqələrin yaradılması, əməkdaşlığın inkişafına mane ola biləcək hüquqi prosedur qaydaların aradan qaldırılması məsələləri müzakirə olunacaq.

Tədbirdə Milli Məclisin deputatı, TÜRKPA-nın Hüquqi məsələlər komissiyasının üzvü Çingiz Qənizadə də iştirak edəcək. Millət vəkili Azərbaycan parlamentinin əldə etdiyi uğurlar barədə çıxış edəcək.