Bizimlə əlaqə | Reklam
BolgeXeber.Com » Siyasət » Türkiyə hökuməti ifşa olundu VİDEO

Türkiyə hökuməti ifşa olundu VİDEO

30-05-2015, 13:56
Oxunub: 6 315 Türkiyə hökuməti ifşa olundu VİDEO“Cümhuriyyət” qəzeti hökumətə aid avtomobillərdə Suriyada üsyançılara silah daşımasını əks etdirən video yayıb

Türkiyənin müxalifətyönümlü “Cümhuriyyət” qəzeti hökumətə məxsus yük avtomobillərinin Suriyada üsyançılara silah-sursat daşımasını əks etdirən videogörüntülər yayımlayıb. Məlumata görə, videogörüntülər 2014-cü ilin yanvar ayında çəkilib. Silahlar tibbi ləvazimatla yüklü avtomobillərdə qutulara yerləşdirilib. Türkiyə polisi avtomobillərdə aparılan axtarışlar zamanı çoxlu sayda artilleriya və minaatan mərmiləri, avtomat silah güllələri aşkarlayıblar.

Daha sonra həmin ilin may ayında axtarış əməliyyatının bütün iştirakçıları - 40-a yaxın polis əməkdaşı və prokurorlar həbs olunmuş, Türkiyə prezidenti Rəcəb Tayyib Ərdoğan əməliyyatları ölkəyə xəyanət və casusluq adlandırmışdı.

Ankara əməliyyatların hökumətə qarşı çıxan din alimi Fətullah Gülənin tərəfdarları tərəfindən icra olunduğunu bildirib.

Məlumata görə, yük avtomobilləri kəşfiyyat bölməsi tərəfindən idarə olunub. Silahlar isə, Suriya prezidenti Bəşər Əsədə qarşı döyüşən üsyançılara çatdırılmalı imiş.

Türkiyədə parlament seçkilərinə bir həftə qalmış belə bir görüntünün ortaya çıxması rəsmi Ankaraya qarşı utancverici fakt hesab olunur.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]